الــبــحث عن الــحب

لــم يسبق لي الارتباط

لم اجد من يريد الارتباط

وجدت الكثير من المثليين المتعطشين للجنس

اين الحب ..لايوجد
...
مثل كل يوم صحيت من النوم سويت لي كوب شاي وجلست على الكمبيوتر اتكلم مع المتعطشين للجنس

جم طوله عندك صوره لجسمك عندك مكان

ما اسوي نفسي شريف روما بس انا كنت اجاريهم بالكلام
اسأل واحد شلونك؟ يقولي قاعد ارقله

مو انا قلت متعطشين للجنس
اوقات لما واحد يتكلم معاي بالسكس اقوله السكس مو كل شي في اهم من السكس اقوله الحب يعطيني بلوك دليت

لي هالدرجه المثليين مايبون الحب

وكنت اسأل نفسي هل انا الوحيد اللي يبحث عن الحب؟

مثل ماقلت صرت اتكلم نفسهم بالسكس لأني لو بتكلم بالحب عيل كل اللي عندي بالماسنجر بيعطوني بلوك
اعرف اللي ضايفهم متعطشين للجنس فقط
سعد سلمان خالد بدر فيصل كلهم يكلموني بنفس الوقت بالسكس والافلام واحد جديد ضايفه ألقى علي التحيه

على طول قلتله شنو تحب بالسكس رد على وقالي السكس مو مهم عندي اهم شي الحب

خليتهم كلهم وصرت مشغول معاه سالفه ورى سالفه

كنت فرحان لأني اخيرا راح ارتبط واحب

راح اترك الدعاره اللي كنت فيها

بعد ساعتين فقط طلبت منه رقمه وكملنه السوالف بالتلفون
اول مره اسويها ااكلم واحد بالتلفون بهالسرعه

كنت محتاج للحب بوقت صار الحب نادر
عزام :انسان طيب ورومنسي ومثقف وخلوق ووايد زين
احبه لما يعصب احبه لما يضحك احبه لما يتفلسف احبه بكل حالاته
وحان موعد اللقاء

كنت خايف وايد واقول في نفسي هل راح اعجبه؟هل راح اروق له؟هل وهل وهل.. اسأله كثيره تدور براسي
لأني احب البحر طلبت منه تكون المقابله ع البحر
نزلت من سيارتي وركبت عنده بالسياره

طبعا من الخوف نسيت اسلم طالعني بأستغراب وقالي وين بوستي طبعت بوسه على خده ومسك ايدي وطبع بوسه عليها كان واضع مرطب على شفايفه ف مسحت المرطب من ايدي

قبل ايدي مره ثانيه وقالي لاتمسح المرطب
طلع شريط من الدرج وقالي تتوقع منو؟ المغنيه

قعد افكر وفكر

قالي مغنيه انت تموت فيها

جاوبت بسرعه نوال الكويتيه

وفعلا كان الشريط منوع لنوال في اغاني رائعه لنوال

نسيت البيت ونسيت المدرسه مر الوقت بسرعه كأنه حلم

تمشينا بشارع الخليج وبشارع سالم المبارك واشرلي على كافيه سكند كب وقالي انه هالكافيه يتردد عليه دايما وانه المثليين يتجمعون فيه وانا الان من المترددين للكافيه نزل من السياره وخلاني اسوقها وصار يطبع قبلات على خدي شفايفي ارقبتي ايدي وانا اقوله فشله الناس اتطالعنه بس ماكان مهتم للناس
سمعني اغنيه اول مره اسمعها لنوال {لولا المحبه}مع اني من فانز نوال بس هالأغنيه جديده علي وصار يدن دن معاها حبيت المقطع اللي يقول: الحب واحد لاكن الناس اجناس حد يذكر العشره وحد دوم ناسي
سوأل يطري في بالي دايما هل عزام يتذكر العشره؟
بعد 6 شهور على انفصالنه الا اني اتذكر الايام الحلوه اللي كانت بينه
سبب الانفصال:غروري وكبريائي كنت ابيه لي بروحي ما اسامحه على غلطاته اعاتبه وايد اغار عليه ما اعطيه ريج حلو

كنت اعتقد لو قلتله احبك راح يشوف نفسه علي
دايما اقول في نفسي لو بس ترجع الايام ...لوترجع

५/११/2007م